त्यो दिन ..

तिमीलाई सम्झना छ कि छैन ?? 

क्षितीजको घामको त्यो न्यानो मुस्कान ?? 

अँ हामी भेटेको दिन 

याद छ ?? 

सिर सिर चलेको बतासले जोडेथ्यो 

तिम्लाई अनि मलाई 

तिम्ले मेरो अनि मैले तिम्रो

विश्वास जितेको दिन 

साँच्चै घामको त्यो प्यारिलो मुस्कान 

याद छ कि छैन ?

परको कुनामा तिमी 

र अर्को एउटा कुनामा म 

नजर जुधे, भावना जुधे

पहिलो दिन 

दोस्रो दिन 

तेस्रो दिन 

झाँगिदै गयो विश्वासको फूल

कैले घामले जोड्यो 

कहिले बतासले जोड्यो 

तिम्लाई अनि मलाई 

क्षितिजको घाम वर आएर हाँसेको याद छ ? 

ठिक पहिलो दिन जस्तै 

फरक यति थियो

तिमी म भएको थियौ

म तिमी भएको थिएँ

निकै लामो एउटा रेखा खुम्चिएर विन्दु भएथ्यो 

सपनाको आकाश फराकिलो भएको त्यो दिन 

सन्देहका बादलहरु हटेका थिए

विश्वासका घामहरु खुशिले अझै हाँसेका थिए

र निसंकोच हामी प्रेममा थियौँ :) :)